商品系列: COPO Chocolat｜由可可豆到烘烤酸種麵包

COPO Chocolat｜由可可豆到烘烤酸種麵包

COPO 係法國 Jouy 一間手工朱古力工房，由朱古力師 Augustin Bézine 創立。佢曾跟隨獲頒法國最佳工藝師（MOF）稱號嘅師傅學藝，之後喺巴黎一間朱古力工房工作三年，接觸各種稀有可可豆。創立 COPO 之後，佢喺自己嘅工房由可可豆開始製作 Bean-to-Bar 朱古力片，亦同家庭農場同合作社合作，將有特色嘅食材帶入朱古力創作。

最想介紹俾大家嘅係佢哋嘅 Écrin Signature 招牌禮盒。佢將烘烤過嘅酸種麵包加落榛子 praliné，再配上以甜苜蓿浸香嘅焦糖。榛子香、烘烤麵包香同帶草本香氣嘅焦糖，三種味道放埋一齊，單睇配搭已經想咬一啖。